"Реал" ҳужумчиси Криштиану Роналдунинг опаси Кати Авейру Португалия телекўрсатувларининг бирида 7 ёшли ўғли Диниш билан меҳмон бўлди.
Шоу вақтида Авейру "ҳа", "йўқ" ва "бўлиши мумкин" деб жавоб бериши керак бўлган саволларга тутилди.
Саволларнинг бири қуйидагича янгради: "Оилангизга янги фарзандлар қўшилдими?" Авейру бу саволга "Бўлиши мумкин" деб жавоб берди, аммо унинг ўғли Диниш ташаббусни қўлга олди ва "ҳа" деб жавоб берди.
Аввалроқ, Роналду эгизаклар- қиз ва ўғил фарзандли бўлгани ҳақида хабарлар тарқалган эди. Бу хабарни ҳозиргача ҳеч ким расман тасдиқламаган эди.
