Олий лиганинг 13-турида Жиззахнинг “Сўғдиёна” жамоаси “Навбахор” ни қабул қилди ва 2:1 ҳисобда ғалаба қозонди.
Ўйиндан сўнг “Навбаҳор” ҳимоячиси Тоҳир Шамситдинов беллашув борасида ўз фикрларини билан ўртоқлашди.
Тоҳир Шамсиддинов: «Бу баҳсга жиддий тайёргарлик кўрган эдик. Мақсадимиз сафардан уч очко билан қайтиш эди. Аммо “Сўғдиёна”нинг бугунги ўйиндаги ғалабага бўлган иштиёқи баланд эди. Менимча, “Сўғдиёна” бугунги учрашувда ғалабага ҳақли эди. Ўйинда хато ва камчиликларимиз бор. Эътиборимизни “Олмалиқ” жамоасига қарши бўлиб ўтадиган беллашувга қаратамиз ва баҳсда ғалаба қозониб, мухлисларимизни хурсанд қиламиз. “Сўғдиёна” жамоасининг кейинги ўйинларига омад тилайман».
