UFC жангчиси ҳисобланган Конор МакГрегор 26 август куни бўлиб ўтадиган Флойд Мейвезерга қарши жанг вақтида оёқларини ишга солиб юбориши мумкинми? Ахир ҳар икки спортчи бокс қоидалари бўйича жанг қилишга келиб олган.
Бу масалага UFC президенти Дейна Уайт ойдинлик киритди ва пулни жуда яхши кўрадиган Конор бундай аҳмоқликка йўл қўймаслигига ишонтиришни истади.
«Жанг шартномасида Конор МакГрегор рақибига оёқ ёки тирсаги билан зарба берса, катта жаримага тортилиши ҳақида ёзиб қўйилган. Бу шартноманинг энг биринчи банди эканидан келиб чиқиб айтаманки, Конорда бунга имкон йўқ.
Иккинчидан, бу бокс жанги сифатида рўйхатдан ўтган. Агар Конор қоидаларни бузиб, қўл ёки тирсагини ишга солса, бу иш судгача етиб боради. Конор пулни жуда яхши кўради ва ортиқча ҳаракати катта жаримага солинишини эсидан чиқармайди» - деди Уайт.
Маълумот учун, ўзаро жанг учун Конор МакГрегор ҳам, Флойд Мейвезер ҳам 100 миллион доллардан мукофот пули олади.
