АҚШнинг Аляска штатида Роберт Спурр хотирасига бағишланган анъанавий марафонда фожиа юз берди.
Ушбу мусобақа маршрути ўзига хос бўлиб, қисман ўрмонни кесиб ўтади ва тоғ тепасида якунига етади. Фожиа айнан ўрмон ичидан ўтадиган йўлда содир бўлган ва унда қўнғир айиқ 16 яшар иштирокчини ғажиб ташлаган.
Йигит мусобақа пайтида ўз яқинларига СМС жўнатиб, уни айиқ қувлаб келаётганини ёзган. Шундан сўнг, унинг оиласи ташкилотчиларни бу ҳақда огоҳлантирган.
Зудлик билан қутқарув-қидирув ишлари ташкил қилинган бўлишига қарамасдан, фожианинг олдини олиш иложи бўлмаган. Афсуски қутқарувчилар воқеа жойига кеч етиб боришган ва йигитнинг ғажиб ташланган мурдасини топишган холос.
Энди одамхўр айиқ овчилар томонидан қидириб топилиши ва ўлдирилиши керак.
