Германия терма жамоаси ҳимоячиси Йонас Ҳектор КК-2017 яримфиналидан ўрин олган Мексикага қарши ўйинга тайёргарлик қандай кечаётганини айтди.
«Гуруҳда биринчи ўринни эгаллаб, Сочи шаҳрида қолганимиздан хурсандмиз. Чунки тайёргарлик учун рақибга нисбатан кўпроқ вақтга эга бўламиз.
Мексикаликларга ўз ўйинимизни намойиш қилмоқчимиз. Улар босимга асосланиб, ҳужумкор ўйин билан рақибни мағлуб этишади. Биз ҳам худди шу тарзда ўйнасак, ғалаба қозонишимиз мумкин.
Энди плей-офф босқичига келдик. Бу ўйинларда бор кучимизни ишга соламиз. Машғулотларда пенальтилар серияси билан ҳам шуғулландик» - деди Ҳектор.
