«Реал» ва Португалия терма жамоаси ҳужумчиси Криштиану Роналду Конфедерациялар кубогидан олдин эгизак фарзандлари дунёга келганини тасдиқлади.

Шу сабабли, Роналду Португалия терма жамоаси қароргоҳини тарк этади ва Конфедерациялар кубоги мусобақасининг учинчи ўрин учун ўйинида иштирок этмайди.

Бу қарор Португалия терма жамоасининг ярим финалда Чилига учралган мағлубиятидан сўнг (0:0, пенальтилар серияси – 0:3) қабул қилинди. Агар Португалия финалга чиққанида Роналду жамоада қолар эди.

«Икки нафар фарзандим дунёга келганига қарамай бор эътиборимни мусобақага қаратдим. Афсуски, мақсадимизга эриша олмадик.

Португалия футбол Федерацияси раҳбари ва терма жамоа мураббийининг менга қилган эътиборидан хурсандман. Буни ҳеч қачон унутмайман. Болаларим билан илк бор кўриша олишимдан бахтлиман», – деб ёзди Роналду фейсбукдаги ўз саҳифасида.

«Президент ва бош мураббийи Роналдуга фарзандлари туғилгани муносабати билан дам беришга қарор қилишди», – деб ёзилади Федерация расмий баёнотида.