«Пари Сен-Жермен» клуби ёзда АҚШ бўйича саёҳат қилади.
Бу тадбирни реклама қилиш мақсадида клуб томонидан турли хил плакатлар чоп этилган. Унда Тиаго Силва, Анхель Ди Мария, Юлиан Дракслер, Эдинсон Кавани, Адриан Рабьо, Лукас Моура ва Маркиньос фотосуратлари жойлаштирилган. Аммо, бирорта плакатда яримҳимоячи Марко Верраттининг суратини кўрмайсиз.
Катта эҳтимол билан, жамоа футболчининг бошқа клубга ўтиб кетишини ҳисобга олиб, шу ишни қилган бўлиши мумкин.
Эслатиб ўтамиз, аввалроқ Верратти Париж клубини тарк этиб, «Барселона»га ўтмоқчи экани ҳақида хабарлар чиққан эди.
