Бундан маълум муддат олдин «Шанхай СИПГ»нинг бразилиялик ярим ҳимоячиси Оскар “Гуанчжоу Фули” жамоасига қарши бўлган ўйинда тўп билан рақибларини нишонга олгани ва шу туфайли жанжалга сабаб бўлгани учун 8 ўйинга дисквалификация қилинганди. Ўз навбатида “Шанхай СИПГ” бош мураббийси Андре Виллаш-Боаш ва жамоа аъзоси Халк Оскарни ҳимоя қилиб чиқишди. Хусусан, кейинги ўйинлардан бирида Халк футболкасидаги мана бу ёзувни намойиш қилди: «Nothing to do, Nothing to say» («Ҳеч нарса қилма, ҳеч нарса гапирма»). Хўш, бу ёзвунинг Оскарга нима алоқаси бор деб ўйлашингиз мумкин. Оскар саккиз ўйинлик дисквалификацияга учрагач, шунга ўхшаш ёзув ёзилган футболкани кийиб олганди.
Виллаш-Боаш эса бошқача йўл тутди, футболчисини ҳимоя қилиш учун интернетдаги саҳифаларида уни оқловчи постлар қолдирди. Якунда Виллаш-Боаш ҳам, Халк ҳам икки ўйинлик дисквалификацияга учради.
