«Бавария» клубининг собиқ спорт директори Маттиас Заммер «Боруссия» Д ҳужумчиси Пьер-Эмерик Обамеянг ҳақида ўз фикрини айтди.

Аввалроқ, Хитойнинг «Тяньцзинь Цюаньцзянь» клуби футболчи учун 80 миллион евро таклиф қилганди.

«Умид қиламанки, Обамеянг Дортмундда қолади, чунки у суперўйинчидир. Бундай футболчилар Бундеслигага бўлган қизиқишни оширади. Агар у Хитойга кетишни маъқул топса, уни тушунаман. Бу билан у ўзи ва оиласининг келажагини молиявий томондан таъминлаган бўлади. Уни айблаш ноўрин бўларди. Кўрамиз, у қандай йўл тутаркан» - деди Заммер Eurosport хабарида.