Футбол агенти Санъат Шариповнинг гапига кўра, Ўзбекистон U-23 терма жамоаси аъзоси фаолиятини чет элда давом эттириш имкониятига эга бўлган.
«Ўзбекистон U-23 терма жамоаси аъзоларидан бирига Европа давлатларидан бирининг биринчи дивизионида иштирок этувчи клубга бориш таклиф қилинганида футболчи буни рад этди. Афсус, ўйинчиларга кўҳна қитъадаги фаолият олий лигадан эмас, балки қуйи лигадан бошланишини уқтиришнинг иложи бўлмаяпти. Сизни у ерда ҳеч ким танимайди ўртоқ футболчилар», - деб ёзди Санъат Шарипов твиттер саҳифасида.
Ҳозирча, Санъат Шарипов гап айнан қайси футболчи ҳақида кетаётганини маълум қилмаган.
