Бильбаонинг «Атлетик» клуби аъзолари ғайриодатий ишга қўл урди.
Мояк саратони хасталигига чалинган жамоадоши Йерай Альваресни қўллаб-қувватлаш мақсадида, барча футболчилар бошини қиртишлашга қарор қилди. Маълумки, бу касалликка чалинганларда соч тўкилиш ҳолати кузатилади.
Эслатиб ўтамиз, 2016 йил декабр ойида Йерайнинг саратонга чалингани маълум бўлиб, у жарроҳлик столига ётган эди. Июнь ойида эса футболчининг лимфа тўқималарида шиш пайдо бўлгани аниқланди. Шифокорлар унга яна химиотерапия муолажасини амалга ошириш ҳақида кўрсатма берди. Энди у уч ой давомида майдонга тушолмайди.
