«Эвертон» билан 2 йиллик шартнома имзолаган Уэйн Руни ўз ҳиссиётлари ҳақида гапириб берди.

«Эвертон» билан совринларни ютиб олиш – фаолиятимнинг чўққиси бўлади. Клуб тўғри йўлдан бораётганини кўрмоқдаман. Бу жамоанинг бир қисми бўлишни истайман, умид қиламанки, бизни муваффақият кутмоқда.

Уйга қайтишдан жуда хурсандман. Жамоадошларим билан учрашиб, «Эвертон» либосида майдонга тушишни орзиқиб кутмоқдаман. Қайтганимдан кейинги илк ўйин унутилмас бўлади.

Мен «Эвертон»га қадрдон жамоам бўлгани туфайли қайтмадим, балки унинг муваффақият қозонишига ишонганим учун қайтдим. Биламан, мендан яхши ўйин кутиб, босим уюштирилади, бироқ бунга тайёрман. Ишончим комил, жамоага майдонда ёрдам беришга қодирман» - деди Руни.