«Саутҳемптон» ҳимоячиси Виргил ван Дейк жамоани тарк этиш ниятида турибди.
Футболчи клуб раҳбарларига Англиянинг бошқа бир жамоаси «Ливерпуль» таркибига ўтмоқчи эканини маълум қилган, деб хабар беради Liverpool Echo. 26 ёшли голландиялик Юрген Клопп билан бирга ишлашни истамоқда.
«Саутҳемптон» футболчи билан хайрлашишга қарши эмас, аммо фақат 75 миллион фунт эвазига.
Эслатиб ўтамиз, олдинроқ «авлиёлар» «Ливерпуль» клуби устида АПЛ раҳбариятига шикоят қилган эди. Уларнинг фикрига кўра, «қизиллар» жамоа раҳбариятига билдирмасдан ван Дейк билан музокара ўтказган. Шундан сўнг, мерсисайдликлар узр сўраб, ван Дейкни сотиб олиш фикридан қайтганини билдирганди.
