«Рома» клубидан «Челси»га ўтган Антонио Рюдигер римлик мухлислар билан хайрлашар экан, АПЛ клубига ўтгани сабабларига тўхталди.
«Салом, йигитлар. Мен ҳозиргина «Челси» билан шартнома имзоладим. «Рома»да шундай даврни ўтказдимки, сизлар билан хайрлашиш осон бўлмаяпти. Бу жамоада кўплаб дўстлар орттирдим.
Бироқ, «Челси»дан таклиф бўлагнини эшитганимдан сўнг, у ҳақда ўйлашимга тўғри келди. Иккинчи имконият ҳар сафар ҳам берилавермайди деган фикрга келдим. АПЛ – дунёдаги энг қийин лига, «Челси» ва Антонио Контенинг ҳимоявий ўйин услуби менга мос келади ва бу мен учун олдинга ташланган қадам бўлади.
Вазиятдан фойдаланиб «Рома» мураббийлар штаби, мухлислар ва жамоа аъзоларига Римдаги ажойиб икки йил учун ташаккур билдираман», — дея ёзади Рюдигер ўз «инстаграм» саҳифасида.
