«Барселона» ҳимоячиси Жерар Пике жамоадоши Лионель Месси яримҳимоя чизиғида ҳам самарали тўп суришини айтди.
Миш-мишларга кўра, бош мураббий Эрнесто Вальверде жамоанинг ўйин схемасини 3-4-3га ўзгартирмоқчи. Бу ҳолатда Месси плеймейкер вазифасини бажаради, ўнг қанотда эса Херард Деулофеу ўйнайди.
«Ёшимиз улғаймоқда ва жисмоний кучимиз пасаймоқда. Ҳар бир футболчи билан шу ҳодиса юз беради. Бу жараён баъзи футболчиларда тезроқ юз беради. Бироқ биз жисмимиздаги ўзгаришлар, мураббийнинг алмашиши ёки ўйин моделининг ўзгаришига мослашишга ҳаракат қиламиз. Шу туфайли, ишончим комил, зарурат туғилса, Месси яримҳимояда ҳам тўп суришга қодир, «Барселона» эса бу ўзгаришга мослаша олади» - деди Пике Goal хабарида.
