Forbes журнали дунёнинг энг қиммат спорт клублари рейтингини эълон қилди.

Унга кўра, Миллий футбол лигаси (NFL) клуби "Даллас Ковбойз" 4,2 млрд долларга баҳоланиб, дунёнинг энг қиммат клуби бўлмоқда. Рейтингда 2-ўринни Бейсбол лигаси клуби "Нью-Йорк Янкиз" эгаллаган, у 3,7 млрд долларга баҳоланган. 3-ўрин эса Англиянинг "Манчестер Юнайтед" клубига насиб қилган, унинг нархи 3,69 млрд долларни ташкил қилган.

Шунингдек, энг қимматбаҳо спорт клублари бешталигига "Реал" ва "Барселона" ҳам кирган. Испан грандларининг нархи мос равишда 3,64 млрд ва 3,58 млрд долларни ташкил қилади.

Аввалроқ "Реал" ва Португалия терма жамоаси ҳужумчиси Криштиану Роналду Forbes нашрига кўра дунёнинг энг катта даромад олувчи спортчилари рўйхатининг энг юқори поғонасини эгаллагани маълум қилинганди.