“Манчестер Юнайтед” бош мураббийи Жозе Моуриньо Альваро Моратанинг трансфери амалга ошмагани сабабларини ошкор этди.
“Бизга тегишли бўлмаган футболчилар ҳақида фикр билдиришни ёқтирмайман. Мен ким бўлибманки “Реал” футболчиси ҳақида гапирсам. Ҳа, “МЮ” Моратага қизиқиш билдирганди, бундан барчанинг хабари бор. Аммо биз “Реал” билан молиявий масалалар бўйича келиша олмадик.
“Реал”нинг футболчилари учун қанча истаса шунча пул сўраши ҳақиқат. Чунки бунга “Реал” раҳбариятининг ҳуқуқи бор. Шунчаки, “қироллик клуби” билан тил топиша олмадик”, – деди Моуриньо Goal нашрига берган интервьюсида.
Эслатиб ўтамиз, Мората “МЮ”га ўтишини шахсан ўзи тасдиқлаганди, аммо трансфер бирдан амалга ошмаганидан сўнг “қизил иблислар” Ромеру Лукаку билан шартнома имзолашди.
