"Реал" яримҳимоячиси Гарет Бэйл бўлажак мавсум олдидан ўз фикрларини билдирди.
"Мен "Реал"дан кетишни режалаштираётганим йўқ. Биламан, жамоада асосий таркибга қайтиш қийин, лекин мен бу жамоа таркибида ўйнаш учун келганман. ОАВ мен ҳақимда кўплаб хабарлар чиқармоқда. Бу тўғри эмас. Барчаси менинг жароҳатим сабаб, лекин бу энди ортда қолди. Мен яна юқори савияда футбол ўйнай оламан, яхши формада бўлиб ўзимнинг максимал ўйинимни кўрсатишга қодирман. "Реал Мадрид" билан узоқ йиллик шартнома имзолаганман ва бу жамоа таркибида ўйнашдан фахрланаман. Ишончим комил, бизни ажойиб мавсум кутмоқда. Мен эса кўплаб голлар уришни режалаштираяпман. Агарда мени яна жароҳатлар безовта қилмаса, ажойиб мавсум ўтказаман.
Ха, "МЮ"га ўтишим борасида миш-мишлар бўлди. Назарий жиҳатдан мен британияликман ва мени ортга қайтишим ҳақида гап-сўзлар бўлиши табий. Бундай холат Бекҳем ва бошқа бритинияликлар билан ҳам содир бўлган. Ҳеч нарса янгилик эмас. Мен "Реал"далигимдан бахтиёрман. Ҳар қандай қизиқишлар бўлиши мумкин, аммо аниқ бир таклиф бўлмаса, ҳеч нарсани муҳокама қилишдан фойда йўқ." - деди Бэйл.
