«Барселона» бош мураббийи Эрнесто Вальверде ҳужумчи Неймарнинг «ПСЖ»га ўтиб кетиши мумкинлиги ҳақидаги хабарларга ўз муносабатини билдириб ўтди.

«Миш-мишлар авжига чиқадиган пайт келди. Буни тушунамиз. Неймар биз билан, унинг ўйини ва хулқи бизга ёқади. Мен у билан футболчининг келажаги борасида гаплашмадим. Биз фақат тактика билан боғлиқ масалаларни муҳокама қилдик. Биз унинг хизматларидан фойдаланишни режалаштиряпмиз.

Мен ўз вазифамни бажаряпман, аммо аниқлаб олишим керак бўлган айрим жиҳатлар бор. «Ювентус»га қарши ўйин норасмий бўлади, аммо мен жамоанинг курашишини кутяпман. Кундан кунга ўйинчилар ҳақида кўпроқ нарса билиб оламан.

Мавсумолди тайёргарлик босқичи доирасида биринчи ўйин бизни кутиб турибди. Тушунарлики, биз ҳали тезлик олмадик. Мен барча футболчиларга ўйнаш имкониятини бераман.

Дибала? Бизга яхши ўйинчилар ёқади, аммо мен кўпроқ ўз футболчиларимни яхши кўраман. Кимнидир харид қилишдан аввал у жамоа таркибини кучайтира олишига ишончинг комил бўлиши керак», — деди Вальверде.