«Барселона» ҳимоячиси Жерар Пике ҳужумчи Неймар билан бирга суратга тушиб, уни твиттерга жойлаштирди.
Футболчи фотосурат остига «У қолади» деб ёзиб, Неймарнинг ҳеч қаерга кетмаслигига ишора қилганди.
Бироқ, футболчининг агенти ва яқинлари бу фотосуратнинг ҳеч нарсани англатмаслигини, Неймар ўз келажаги ҳақида якуний қарорга келмаганини айтмоқда.
«Неймар якуний қарорга келмади. Кечаги воқеадан сўнг, ҳамма уни «Барселона»да қолиши ҳақида ёзяпти, аммо бундай эмас» - деди футболчининг яқинларидан бири Sport нашрига берган интервьюсида.
Аввалроқ, Неймар «ПСЖ» томонидан жуда фойдали таклиф олгани ҳақида хабарлар чиққан эди.
