«Манчестер Юнайтед» устози Жозе Моуриньо трансфер бозорида нархларнинг осмонга чиқиб кетиши юзасидан ўз фикрларини айтди.
Мутахассиснинг фикрига кўра, бунга клублар айбдор.
«Клублар айбдор, улар жуда кўп пул сарфлаб, бозордаги нархларнинг ошиб кетишига сабаб бўлмоқда. Аммо бу вазиятни қабул қилишга мажбурмиз. Погба айбдор эмас, Неймар ҳам айбдор эмас. Бунақа катта трансферлар бир-икки марта амалга ошиши мумкин холос.
Аммо, 30-40 млн евро атрофидаги трансферлар юзлаб марта амалга ошмоқда, мана шу хавфлидир. Афсуски, бу оддий ҳолат бўлиб қолган. У мени ташвишга солмоқда» - деди Моуриньо Sky Sports хабарида.
