Ўзбекистонлик велоспортчи Дилмурод Сиддиқов бугунги кунда “Unievro” жамоаси сафида ўқув-машғулотларда иштирок этмоқда.
Мазкур клуб натижалар самарадорлигини ошириш мақсадида Ўзбекистон Велосипед спорти федерацияси билан ҳамкорлик олиб бормоқда. Спортчимизни олдинда бир қатор халқаро турнирлар кутиб турибди. Жумладан, 31-июль куни Испанияда “Circuito де Getxo” турнири бўлиб ўтади. 1-15 август кунлари эса Португалияда “Volta a Portugal em Bicicleta Santander Totta 2.1” кўп кунлик мусобақаси бўлиб ўтади. 21 сентябрь куни эса Норвегияда Жаҳон чемпионати старти бўлиб ўтади. Ҳамюртимиз ушбу мусобақаларда иштирок этиши кутилмоқда.
