Март ойида Дубайда дам олаётган «Челси» клубининг собиқ сардори Жон Террининг уйини ўғри уриб кетган эди.
Полиция ходимлари ўғриларнинг нима учун айнан бу уйни танлаганини тахмин қилиб, қизиқ хулосага келди. Номаълум кимсалар Терри ва рафиқасининг Дубайда эканини Instagram ижтимоий тармоғига жойлаштирилган суратлардан билиб олишган ва уйда ҳеч ким йўқлигига амин бўлишган.
Mirror хабарига кўра, жиноятчилар 219 минг фунтлик Cartier заргарлик буюмлари, 61 минг фунтлик узук, Гарри Поттер ҳақидаги 18 минг фунтлик дастлабки нашр китоби, бир неча қимматбаҳо соат ва сумкаларни олиб кетишган. Уларнинг умумий нархи 400 минг фунтни ташкил қилган.
Полиция ўғриларни кузатув камераларидаги видеоёзувлар орқали топиб, қўлга олишга муваффақ бўлган. Яқин кунларда 5 нафар жиноятчи устидан суд жараёни бўлиб ўтади.
