УЕФА Неймар трансферини молиявий фэйр-плей (МФП) қоидасини бузмасдан амалга ошириш учун "ПСЖ" нима қилиши кераклигини айтди.
RMC хабарига кўра, парижликлар МФП қоидаси доирасидан чиқиб кетмаслик учун 110 млн евро нархда футболчи сотиши керак. УЕФА "ПСЖ"ни бу ишни қилишга мажбурлай олмайди. Бироқ, жамоа 2018 йил 31 январгача бу тавсияни бажармаса, МФП қоидасини бузган ҳисобланади.
Натижада УЕФА "ПСЖ" клубини 2018/19 мавсумида Чемпионлар лигасидан четлатиши мумкин.
Эслатиб ўтамиз, Неймарнинг товон пули 222 млн еврога тенг. Молиявий фэйр-плей қоидасига кўра эса клублар даромадига яраша харажат қилиши шарт.