Англия футболининг 2017/18 мавсумидан бошлаб, пенальтилар сериясининг янги услуби - АВВА қўлланади.
Унинг моҳияти шундаки, дастлабки зарбадан сўнг, жамоалар навбатма-навбат эмас, балки икки мартадан пенальти тепади. (АВВА - А - биринчи жамоа зарбаси, В - иккинчи жамоа зарбаси). Бу эса дастлабки зарбани амалга оширган жамоани руҳий устунликдан маҳрум қилади ва сериянинг янада қизиқарли ўтишини таъминлайди.
Англия футбол лигаси хабарига кўра, бу тизим 8-9 август куни бошланадиган Лига кубоги мусобақасида қўллана бошлайди ва барча мусобақаларга жорий қилинади.
АВВА тизими шу йил ёзида УЕФА томонидан ўсмирлар ва ёшлар ўртасидаги Европа чемпионатларида синов тариқасида қўллаб кўрилди ва муваффақиятли деб топилди.
