ПСЖ хўжайини Носир Ал Хилайфий Неймарнинг трансфери бўйича ўтказилган матбуот анжуманида қатнашди.
Маълумки, ПСЖ Неймарнинг трансфери учун 222 млн евро тўлади. Натижада, баъзилар клубни молиявий фэйр-плейни бузганликда айблаётган эди.
«Молиявий фэйр-плей? Бу ҳақда қайғураётганлар бир финжон қаҳва ичиб юборсин. Ҳаммаси шаффоф ва қонунийдир. Матбуотда ёзилаётган гапларга тупурдим. Неймарнинг трансфери билан боғлиқ ҳеч қандай муаммо йўқ.
Неймар нега ПСЖ клубини танлади? Кафолат бераман, гап пулда эмас. У ПСЖдан бошқа клубларда ҳам жуда катта маош олиши мумкин эди, ишонаверинг», - деди Ал Хилайфий Goal хабарида.