"Андижон" клуби янги таклиф қилинган футболчиларнинг таништириш маросимини ўтказади.
Олий лигага қайтишни ўз олдига асосий мақсад қилиб қўйган “Андижон” жамоаси биринчи даврада йўл қўйилган хато ва камчиликлардан етарлича хулоса чиқарган ҳолда иккинчи даврага жиддий тарзда тайёргарлик олиб борди.
Шу билан бирга таркибда ҳам эътиборга молик ўзгаришлар кузатилган ҳолда тажрибали ўйинчилар эвазига жамоа ўйини анча кучайтирилди. Шу мақсадда 7 август, душанба куни вилоят касаба уюшмалари ташкилотлар бирлашмасининг мажлислар залида янги футболчиларни кенг оммага таништириш маросими ўтказилади. Соат 14:00 да бошланадиган ушбу тадбирга оммавий ахборот воситалари ходимлари ва мухлислар таклиф этилади.
