«Манчестер Юнайтед» устози Жозе Моуриньо УЕФА суперкубоки баҳсидан олдин мураббийлик тамойиллари ҳақида гапирди.

Маълумки, португалиялик мутахассис 8 август куни собиқ жамоаси «Реал»га қарши майдонга тушади.

«Мен «Реал»га собиқ жамоам сифатида қарамайман. «Порту»ни тарк этганимда, икки ойдан сўнг, унга Чемпионлар лигасида қарши келганман. «Челси»ни тарк этганимда, икки ойдан сўнг, унга «МЮ» билан дуч келганман. Менда «собиқ жамоа» деган тушунча йўқ.

«Реал» қандай қабул қилиш керак бўлса, шундай қабул қиламан: у машҳур жамоа, Европада энг кучли ва у бизни зўр илҳомлантирмоқда», - деди Моуриньо УЕФА сайти хабарида.