Испания футболининг статистика бўйича мутахассислари Ла лиганинг 86 йиллик тарихидаги энг яхши футболчиларини аниқлашди.
Испания футболи статистикаси ва тарихи тадқиқотлар маркази (CIHEFE) томонидан олиб борилган ҳисоб-китобларга кўра, "Барселона" ҳужумчиси Лионель Месси Испания футболи тарихида энг яхши футболчи деб топилди. "Реал" форварди Криштиану Роналду эса ушбу рейтингда бор-йўғи 17-поғонани банд этди. Аргентиналик футболчи 545 балл тўплаган бўлса, португалиялик ўйинчи ҳисобида 415 балл жамғарилди.
Иккинчи ўрин "Реал" афсонаси Рауль Гонсалесга насиб этди (528 балл). Рауль 1994-2010 йиллар давомида "Қироллик клуби" шарафини ҳимоя қилган. "Барселона"нинг яна бир вакили Сесар Родригес (524 балл, 1941-1960 йилларда ўйнаган) 3-ўринни банд этди.
Ушбу рейтингда тузишда турли омиллар инобатга олинган: ўйинлар сони, ўйнаган дақиқалар, голлар (жумладан, пенальтидан), автоголлар, қизил карточкалар.
