Аргентина кубогидан ўрин олган “Расинг” - “Атлетико Митре” жамоалари ўртасидаги учрашув номаълум муддатга қолдирилди.

Гап шундаки, ўйин ўтказиладиган стадион атрофига йиғилган мухлислар отишма содир қилган. Мухлислар келтириб чиқарган майда безорилик ва тартибсизлик оқибатида бир киши жароҳатланган. Ҳозирда унинг аҳволи ўртача ҳолатда бўлиб турибди.

Маҳаллий полиция стадион атрофидаги хавфсизлик чораларини қайтадан кўриб чиқмоқда.

Аргентина футбол федерацияси ўйин муддати қачон ва қайси стадионда ўтказилишини кейинчалик маълум қилади.