«Реал» президенти Флорентино Перес яримҳимоячи Луиш Фигунинг трансфери тафсилотларини айтди.

Футболчи 2000 йилда «Барселона»дан «Реал»га шов-шувли тарзда ўтган эди.

«У пайтлари ҳеч ким 60 миллион евро сарфламаган. Мен «Барселона» сардори бўлмиш Фигуни «Реал»га ўтишга кўндирганман. Бу «Барселона» юрагини суғуриб олиш билан баробар эди.

Мен Фигуга унинг атрофида жамоа тузмоқчи эканимизни айтдим. Кейин «Реал»га Зидан, Роналдо, Бекҳэм келди ва биз «Галактикос» номини олган ажойиб жамоани туздик.

«Галактикос» даври тугагач, Роналду, Кака, Бензема ва Бэйл билан шартнома имзоладик. Буюк футболчилар жамоани нафақат спорт, балки бизнес соҳасида ҳам ўсишига ёрдам беради. Ўйлайманки, ҳақли равишда дунё футболи чўққисидамиз», — деди Перес.