"МЮ" клуби Иско билан шартнома имзолаши мумкин эди.
ESPN хабарига кўра, манкунианликлар бир неча йил олдин "Малага" клубининг 21 ёшли етакчиси билан қизиққан. Бироқ унинг танасидаги номутаносибликни кўриб трансфердан воз кечган.
Манчестр скаутлари Иско ҳақида ҳисобот тузиб: "У яхши футболчи, аммо тезкор эмас. Бундан ташқари унинг боши танаси учун катталик қилади" - деб ёзган. Охир оқибатда Иско "Реал"га ўтиб кетган.
Тақдир ҳазилига қарангки, Иско яқинда ўтказилган "Реал" - "МЮ" (2:1) ўртасидаги УЕФА суперкубоги баҳсининг энг яхши футболчиси деб топилди.
