Италияда мавсумда мамлакат суперкубоги билан бошланди. Драматик кечган ўйинда "Лацио" "Ювентус"ни мағлуб этишга муваффақ бўлди.

Римликлар баҳснинг 32-дақиқасида пенальти тепиш ҳуқуқини қўлга киритишди ва Иммобиле уни самарали амалга оширди. Иккинчи бўлим бошида ушбу футболчининг ўзи ҳисобдаги фарқни иккитага оширди.

Учрашув сўнгида катта саҳнага Пауло Дибала чиқди. Ўйин тугашига 5 дақиқа қолганида у ҳисобдаги фарқни қисқартирган бўлса, қўшиб берилган дақиқаларда аргентиналик футболчи пенальтидан мувозанатни тиклади.

Ўйин қўшимча бўлимларга кўчадигандек кўринган вазиятда "Лацио" ғалабани илиб кетди. Муржиа томонидан киритилган тўп Рим шаҳри жамоасига совринни тақдим этди.

Италия суперкубоги
Ювентус – Лацио 2:3 (0:1)
13 август, 23.45, «Стадио Олимпико»
Голлар: 0:1 – 32, пенальти Иммобиле, 0:2 – 54 Иммобиле, 1:2 – 85 Дибала, 2:2 – 90+1, пенальти Дибала, 2:3 – 90+3 Муржиа.
Ювентус – Буффон, Алекс Сандро, Бенатия (Де Шильо, 56), Кьеллини, Бардзальи, Пьянич, Хедира, Куадрадо (Дуглас Коста, 57), Игуаин, Манжукич (Бернардески, 72), Дибала.
Лацио – Стракоша, де Врей, Раду, Уоллес, Баста (Марушич, 75), Лулич (Лукаку, 75), Лейва (Муржиа, 80), Луис Альберто, Пароло, Милинкович-Савич, Иммобиле.
Огоҳлантиришлар: Буффон (31), Лейва (41), Манджукич (52), Лулич (70), Пьянич (73), Пароло (84), Иммобиле (89).