Хитойнинг Шеньян шаҳрида дунёнинг деярли барча қитъаларидан ташриф буюрган жами 292та жамоа иштирок этадиган турнир старт олди.

“Бунёдкор” футбол мактабининг 2002 йилда таваллуд топган тарбияланувчилари ҳам бу мусобақада иштирок этмоқда.

Бунёдкорчилар “Gothia Cup 2017” мусобақасидаги илк учрашувини Покистоннинг “Меҳран” футбол мактаби тарбияланувчиларига қарши ўтказиб, 10:0 ҳисобида зафар қучишди. Жамоа голларига – Жасур Жалолиддинов (5та), Отабек Жўрақўзиев (2та), Диёрбек Рахимқулов, Фарруҳбек Мухторов ва Икром Эркинов муаллифлик қилишди.

Мураббийларимиз покистонликларга қарши баҳсда қуйидаги футболчиларни майдонга туширишди: Қодиров (Харин), Абдурашидхўжаев , Убайдуллаев (Аъзамов), Абдулбеков (Аширалиев), Содиқов (Бондаренко), Рахимқулов, Сатторов, Бўриев (С; Шарипов), Эркинов (Мухторов), Жўрақўзиев (Мирзасалимов), Жалолиддинов

“Бунёдкор-2002” турнирнинг иккинчи турида Япониянинг “Пуэбла” футбол мактаби тарбияланувчилари билан куч синашишади. Бу учрашув 15 август куни бўлиб ўтади.