Xitoyning Shenyan shahrida dunyoning deyarli barcha qit’alaridan tashrif buyurgan jami 292ta jamoa ishtirok etadigan turnir start oldi.
“Bunyodkor” futbol maktabining 2002 yilda tavallud topgan tarbiyalanuvchilari ham bu musobaqada ishtirok etmoqda.
Bunyodkorchilar “Gothia Cup 2017” musobaqasidagi ilk uchrashuvini Pokistonning “Mehran” futbol maktabi tarbiyalanuvchilariga qarshi o‘tkazib, 10:0 hisobida zafar quchishdi. Jamoa gollariga – Jasur Jaloliddinov (5ta), Otabek Jo‘raqo‘ziyev (2ta), Diyorbek Raximqulov, Farruhbek Muxtorov va Ikrom Erkinov mualliflik qilishdi.
Murabbiylarimiz pokistonliklarga qarshi bahsda quyidagi futbolchilarni maydonga tushirishdi: Qodirov (Xarin), Abdurashidxo‘jayev , Ubaydullayev (A’zamov), Abdulbekov (Ashiraliyev), Sodiqov (Bondarenko), Raximqulov, Sattorov, Bo‘riyev (S; Sharipov), Erkinov (Muxtorov), Jo‘raqo‘ziyev (Mirzasalimov), Jaloliddinov
“Bunyodkor-2002” turnirning ikkinchi turida Yaponiyaning “Puebla” futbol maktabi tarbiyalanuvchilari bilan kuch sinashishadi. Bu uchrashuv 15 avgust kuni bo‘lib o‘tadi.
