Испания қироллиги футбол федерацияси (RFEF) «Реал»нинг Роналду дисквалификацияси бўйича берган апелляциясини кўриб чиқди.

Шикоятни ўрганиб чиққан комиссия "Реал" клубининг даъвосини ўринсиз деб топди ва футболчининг дисквалификациясини ўз кучида қолдирди.

Эслатиб ўтамиз, Роналду «Барселона»га (3:1) қарши Суперкубок баҳсининг 82-дақиқасида бош ҳакам Рикардо Бенгоэчеа томонидан майдондан четлатилгач, уни қўли билан туртиб юборган эди.

RFEF Роналдунинг бу ҳаракатларини тажовузкорона деб баҳолаб, уни қизил карта учун 1 ўйинга, ҳакамни туртгани учун 4 ўйинга дисквалификация қилди.

Энди Роналду «Барселона»га қарши Суперкубок жавоб ўйинини, шунингдек Испания чемпионатидан ўрин олган «Депортиво», «Валенсия», «Леванте» ва «Реал Сосьедад»га қарши ўйинларни ўтказиб юборади.