«Вест Бромвич» ҳимоячиси Жонни Эванс ёзги трансферлар вақтида жамоани тарк этмайдиган бўлди. Футболчининг хизматига «Манчестер Сити» клуби жиддий қизиқиш билдирганди, бироқ клуб бош мураббийи Тони Пьюлис клуб Эвансни сотиш нияти йўқлигини такидлаб ўтган.
«Биз Жонни Эванс бўйича таклифни рад этдик. Бугун у тиззаости пайларидаги муаммо сабаб тиббий кўрикдан ўтиши лозим. Клуб уни сотишни истамайди ва бунга зарурат ҳам йўқ деб ҳисоблайди. Аслида Жонни учун юборилган таклиф жуда ва жуда яхши эди.
Эванс вазиятни жуда яхши тушуниб турибди. У клубда эканидан жуда бахтиёр. У жамоамиздаги энг яхши футболчилардан бири», дея Пьюлиснинг сўзларини келтиради клуб расмий сайти.
