Ўзбекистон миллий терма жамоаси ЖЧ–2018 саралаш босқичи сўнгги икки ўйини олдидан бугун, 20 август куни Тошкентда ўқув-машғулотлар йиғинига киришди.
Мағшулотлар тикланиш жараёни билан бошланди ва енгил машқлар бажарилди. Шунингдек, жисмоний тайёргарликка ҳам эътибор қаратилди. Голландиялик мутахассис Чима Мишель Онеке футболчилар билан якка тартибда ишлади.
Машғулот давомида футболчиларнинг кайфиятини кўтариш мақсадида кичик мусобақалар ўтказилди.
Берилган шартларни тез ва чаққонлик билан бажарган футболчилар бош мураббий Самвел Бабаян томонидан кичик рағбатлантирувчи совғалар билан тақдирланди.
Хусусан, Игорь Сергеев "рафаэлло", Ислом Тўхтахўжаев ва Даврон Ҳошимов "сникерс", Анзур Исмаилов эса "кит-кат" шоколадига эга бўлди.
