O‘zbekiston milliy terma jamoasi JCH–2018 saralash bosqichi so‘nggi ikki o‘yini oldidan bugun, 20 avgust kuni Toshkentda o‘quv-mashg‘ulotlar yig‘iniga kirishdi.
Mag‘shulotlar tiklanish jarayoni bilan boshlandi va yengil mashqlar bajarildi. Shuningdek, jismoniy tayyorgarlikka ham e’tibor qaratildi. Gollandiyalik mutaxassis Chima Mishel Oneke futbolchilar bilan yakka tartibda ishladi.
Mashg‘ulot davomida futbolchilarning kayfiyatini ko‘tarish maqsadida kichik musobaqalar o‘tkazildi.
Berilgan shartlarni tez va chaqqonlik bilan bajargan futbolchilar bosh murabbiy Samvel Babayan tomonidan kichik rag‘batlantiruvchi sovg‘alar bilan taqdirlandi.
Xususan, Igor Sergeev "rafaello", Islom To‘xtaxo‘jayev va Davron Hoshimov "snikers", Anzur Ismailov esa "kit-kat" shokoladiga ega bo‘ldi.
