Бугун Монако шаҳрида футбол бўйича Европа Чемпионлар Лигасининг гуруҳ босқичига қуръа ташлаш маросими бўлиб ўтади. У Тошкент вақти билан 21:00 да старт олади.

Чемпионлар Лигасининг қуръаси олдидан мусобақанинг амалдаги чемпиони «Реал», ҳамда қитъанинг энг олди 7 мамлакати чемпионлари 1-саватчадан жой олади.

«Реал Мадрид» (Испания)
«Бавария» (Германия)
«Ювентус» (Италия)
«Бенфика» (Португалия)
«Челси» (Англия)
«Шахтёр» (Украина)
«Монако» (Франция)
«Спартак Москва» (Россия)

Қуръа маросимида бир мамлакатнинг икки клуби битта гуруҳдан жой олмаслиги таъминланади. Қуйида қолган иштирокчилар келтириб ўтилган.

«Тоттенҳэм» (Англия)
«Манчестер Сити» (Англия)
«Ливерпуль» (Англия)
«Манчестер Юнайтед» (Англия)
«Барселона» (Испания)
«Атлетико» (Испания)
«Севилья» (Испания)
«РБ Лейпциг» (Германия)
«Боруссия Дортмунд» (Германия)
«Рома» (Италия)
«Наполи» (Италия)
«ПСЖ» (Франция)
«Порту» (Португалия)
«Спортинг» (Португалия)
«ЦСКА» (Россия)
«Фейеноорд» (Голландия)
«Андерлехт» (Бельгия)
«Бешиктош» (Туркия)
«Олимпиакос» (Греция)
«Базел» (Швейцария)
«Селтик» (Шотландия)
«Марибор» (Словения)
«Апоэл» (Кипр)
«Қорабоғ» (Озарбайжон)

Қуръа маросимида Чемпионлар Лигаси иштирокчилари ўз гуруҳларини билибгина қолмай, бошқа тадбирлар ҳам ўтказилади. Бунда УЕФА ўтган мавсумнинг энг яхшилари номини эълон қилади.

УЕФА талқинига кўра йилнинг энг яхши футболчиси УЕФА талқинига кўра йилнинг энг яхши аёл футболчиси 2016/17 йилги мавсумнинг энг яхши дарвозабони 2016/17 йилги мавсумнинг энг яхши ҳимоячиси 2016/17 йилги мавсумнинг энг яхши ярим ҳимоячиси 2016/17 йилги мавсумнинг энг яхши ҳужумчиси

Чемпионлар Лигасининг гуруҳ босқичи 12—13 сентябрь кунларида старт олади. 5—6 декабрь куни олтинчи — сўнгги тур ўйинлари ўтказилади.

Гуруҳ босқичида дастлабки икки ўринни эгаллаган клублар 1/8 финалга йўл олади. 3-ўрин эгалари Европа Лигасининг 1/16 финалига равона бўлади. Ҳар икки турнирнинг мазкур босқичларига қуръа 11 декабрь куни ташланади.