Шу йилнинг 25 август - 2 сентябрь кунлари Германиянинг Гамбург шаҳрида бокс бўйича 19-Жаҳон чемпионати бўлиб ўтади.
Унда Куба, Қозоғистон, Россия, Украина, Англия, Франция каби жами 195та мамлакатдан келган боксчилар ўзаро куч синашадилар. Ўзбекистон терма жамоаси боксчилари ҳам Жаҳон чемпионатида барча вазн тоифасида иштирок этиш ҳуқуқини қўлга киритишган.
Юртимиздаги бокс мухлисларининг талаб ва қизиқишларидан келиб чиққан ҳолда, UZREPORT TV телеканали Гамбургда бўлиб ўтадиган бокс бўйича Жаҳон чемпионатини эксклюзив тарзда трансляция қилиш ҳуқуқини харид қилди.
Телеканал мухлисларини 25 августдан бошлаб терма жамоамиз аъзолари ҳамда Жаҳоннинг етакчи боксчилари иштирокидаги қизиқарли жангларни жонли эфирда томоша қилишга чорлаб қоламиз.
Жаҳон чемпионатида Рио-2016 Олимпиадаси ғолиб ва совриндорларидан ташқари, ўз вазн тоифасида юртимизда энг кучли бўлиб турган қуйидаги боксчилар юртимиз шарафини ҳимоя қилишади:
49 кг-да Ҳасанбой Дўсматов
52 кг-да Жасур Латипов
56 кг-да Муроджон Аҳмадалиев
60 кг-да Элнур Абдураимов
64 кг-да Иқболжон Холдоров
69 кг-да Шаҳрам Ғиёсов
75 кг-да Исроил Мадримов
81 кг-да Бектемир Мелиқўзиев
91 кг-да Санжар Турсунов
+91 кг-да Баҳодир Жалолов
Бокс бўйича 19-Жаҳон чемпионати жангларини UZREPORT TV телеканалида жонли эфирда томоша қилинг ҳамда боксчиларимизни қўллаб-қувватланг!
