"Реал" ҳужумчиси Криштиану Роналду раҳбарият олдига жуда катта молиявий талабни қўйган.
El Mundo Deportivo хабарига кўра, аввалроқ 32 ёшли футболчи клуб президентидан ўзини дунёнинг энг кўп маош олувчи футболчиси қилишни сўраган, аммо Перес унинг илтимосини ерда қолдирган эди. Бироқ, Роналду молиявий талабини пасайтирмоқчи эмас ва раҳбариятдан шартнома бандларини қайта кўриб чиқишни сўрамоқда.
Маълумот ўрнида, ҳозирги пайтда Роналду "Реал"да йилига 25 млн евро маош олмоқда. У "ПСЖ" клубида 30 млн евро маош олувчи Неймардан орқада бормоқда. Агар Месси "Барселона" билан янги шартнома имзоласа, унинг маоши 40 млн еврога етади ва ҳар иккаласидан ҳам ўзиб кетади.
