АҚШнинг Лас-Вегас шаҳрида енгилмас боксчи Флойд Мейвезер ва UFC юлдузи Конор МакГрегор ўртасида шоу жанг бўлиб ўтди. Унда кутилганидек Флойд ғалабани қўлга киритди.
Дастлабки 6 раунд давомида Мейвезер рақибига жанг қилиш имкониятини берди ва ўзи асосан ҳимояланди. МакГрегор имкон қадар зарбалар беришга ҳаракат қилди, аммо бу АҚШлик боксчига ортиқча муаммо яратмади.
Еттинчи раунддан бошлаб Мейвезер жиддийроқ ишга киришди ҳамда Конорни қийин аҳволга сола бошлади. Ниҳоят 10-раундга келиб ҳакам жангни тўхтатишга мажбур бўлди. Боиси, ирландиялик жангчи рақиб зарбаларига қаршилик кўрсатмай қўйди.
Шу тариқа, Флойд Мейвезер фаолиятидаги 50-ғалабани қўлга киритди ва бошқа рингга қайтмаслигини эълон қилди.