Олий лиганинг 19-туридан ўрин олган “Шўртан” – “Металлург” (0:1) учрашувидан сўнг, меҳмонлар мураббийи Рустам Мирсодиқов ўз фикрларини айтди.
"Ушбу учрашув биз учун қийин бўлишини кутгандик. Сабаби, “Шўртан” яхши жамоа ва у ўз майдонида жуда яхши ўйнайди.Шу сабаб, ҳимоядан ўйнадик ва қарши ҳужум тактикасини қўллашни маъқул кўрдик. “Шўртан”га яхши ҳужумчи етишмаяпти. “Шўртан”нинг асосий ўйини фақат ўртада, якуний қисми эса бўш.
Тўғри “Шўртан” биз учун қулай рақиб, аммо бизда ҳам биз учун омадсиз рақиблар бор. Бу ҳам футболнинг ўзига ҳос бир томони деб ўйлайман" - деди Мирсодиқов.
