Германияда ўтаётган бокс бўйича жаҳон чемпионатида Ўзбекистон ва Қозоғистон боксчилари ўртасидаги навбатдаги тўқнашув бўлиб ўтди. Энг оғир вазн тоифасида Баҳодир Жалолов ва Қамшибек Қўнқабоев рингга кўтарилишди.

Ушбу боскчилар Тошкентда ўтган Осиё чемпионатининг финалида ҳам тўқнаш келишганди. Ўшанда Баҳодир ғалабани қўлга киритган бўлса, Қўнқабоев бу сафар реванш олишга ҳаракат қилди. Жалолов икки раунд давомида яхши жанг олиб борди, аммо сўнгги бўлимда спортчимиз чарчаб қолгани сабабли устунликни рақибига бериб қўйди. Ҳакамларнинг баҳоларига аҳамият беринг — 2:3 (29:28, 29:28, 28:29, 28:29, 28:29).

Шу тариқа, Ўзбекистон ва Қозоғистон делегациялари ярим финалда олти нафардан боксчи билан иштирок этадиган бўлди.