Англия термаси яримҳимоячиси Эрик Дайер жамоадоши Маркус Рэшфорднинг Словакияга (2:1) қарши ЖЧ-2018 саралаш ўйинидаги ҳаракатларига баҳо берди.
Учрашув бошида Рэшфорднинг хатоси инглизлар дарвозасининг ишғол қилинишига олиб келди, бироқ иккинчи бўлимда «Манчестер Юнайтед» ҳужумчиси ғалаба тўпини киритишга эришди.
«Бу кеча Маркус Рэшфордники. У учрашув бошида яхши ҳаракат қила олмади, аммо кейинроқ жуда зўр ўйин кўрсатди. У фантастик шоу намойиш қилди – биринчи хатога йўл қўйди, кейин эса ғалаба тўпига муаллифлик қилиб, бизни мундиалга яқинлаштирди. Умид қиламанки, у ЖЧда порлайди», - деди Дайер.
