АПЛ 4-туридан ўрин олган "Сток Сити" - "МЮ" (2:2) ўйини пайтида бош мураббийлар тўқнашуви юзага келди.
ESPN хабарига кўра, ўйиндаги вазиятлардан бирида Жозе Моуриньо қуюшқондан чиқиб, рақиб мураббийи Марк Ҳьюзнинг техник ҳудудига кириб кетган. У эса чақирилмаган меҳмонни суриб чиқарган ва "Даф бўл..." маъносидаги ҳақоратлар билан сўккан. Бу ҳам етмаганидек, бош мураббийга мурожаат қилиб, Моуриньони четлатилишини талаб қилган.
Шундан сўнг, тўртинчи ҳакам бу можарога аралашиб, ҳар иккаласини тинчлантиришга муваффақ бўлган. Ўйиндан кейин эса, мураббийлар бир-бирини қутлашни насия қилиб, жўнаб қолишган.
