Хабарингиз бор, эртага, 12 сентябрда Ўзбекистон футбол федерациясининг ҳисобот йиғилиши бўлиб ўтади.

Ушбу йиғилиш давомида федерацияга янги раҳбарият сайланиши режалаштирилган.

Маълум бўлишича, ЎФФ раҳбарияти тўлиғича истеъфога чиқмайди. Узоқ йиллар давомида Терма жамоалар маркази директори лавозимида ишлаб келган ва айни вақтда ЎФФ вице-президенти бўлиб турган Асқар Толибжонов федерациядаги фаолиятини давом эттириши кутилмоқда. Толибжонов янги раҳбарият даврида ҳам ишини давом эттириши мумкин.

Эслатиб ўтамиз, Асқар Толибжонов Терма жамоалар марказини бошқариш давомида кўп бора танқид остига олинган.

У бекор қилинган ўртоқлик ўйинлари ва Ўзбекистон миллий терма жамоаси иштирокидаги расмий баҳслар учун чиқарилган чипталар олиб-сотарлар қўлига ўтиб кетиши билан боғлиқ вазиятларда мухлислар норозилигига сабабчи бўлган эди.