Европа чемпионлар лигаси гуруҳ босқичининг 1-тур ўйинлари анча сермаҳсул бўлди. Тур доирасидаги марказий ўйин "Камп Ноу"да бўлиб ўтди. "Барселона" ўзи учун ноқулай ҳисобланган "Ювентус" устидан йирик ҳисобда ғалаба қозонди.

Эътиборли томони, "кўк-анорранглилар" етакчиси Лионель Месси ўз фаолиятида илк марта Жанлуиджи Буффон дарвозасини ишғол қилишга муваффақ бўлди, бир эмас, икки марта. Аргентиналик футболчининг ҳар иккала голи бир-бирига ўхшаб кетди — Месси жарима майдончаси чизиғи олдидан чап оёқда Буффоннинг чап бурчагига тўпни жойлаб кетди. Шунингдек, Лионель жамоасининг учинчи голида ҳам бевосита иштирок этди. У чап қанотдан рақиб жарима майдончасига ёриб кириб, дарвоза олдига узатма берди. Ҳимоячи қайтарган тўпни Иван Ракитич дарвозага жойлаб қўйди.

"Ювентус" мезбонлар дарвозаси томон ҳужум уюштирди, бир нечта хавфли вазиятлар яратди, аммо Аллегри шогирдларига "Барса" дарвозасини ишғол қилиш насиб этмади.

Шу тариқа, "Барселона" Чемпионлар лигасининг янги мавсумини йирик ҳисобдаги ғалаба билан бошлади ҳамда ўтган йилги мағлубият учун "Юве"дан муносиб қасос олди.

"D" гуруҳидан ўрин олган яна бир учрашувда Португалиянинг "Спортинг" клуби Грецияда "Олимпиакос"ни мағлубиятга учратди — 3:2.

ЕЧЛ, "D" гуруҳи
Барселона Испания – Ювентус Италия 3:0 (1:0, 2:0)
Голлар: 1:0 – 45 Месси, 2:0 – 56 Ракитич, 3:0 – 69 Месси.
Барселона – тер Стеген, Альба, Пике, Нелсон Семеду, Умтити, Ракитич (Паулиньо, 77), Иньеста (Андре Гомеш, 83), Бускетс, Дембеле (Серджи Роберто, 71), Суарес, Месси.
Ювентус – Буффон, Алекс Сандро, Бенатия, Бардзальи, Де Шильо (Стураро, 41), Матюиди, Бентанкур (Бернардески, 63), Пьянич, Дуглас Коста, Дибала, Игуаин (Калигара, 87).
Огоҳлантиришлар: Бентанкур (25), Нелсон Семеду (35), Месси (54), Бардзальи (61), Пьянич (75), Калигара (89).

Олимпиакос Греция – Спортинг Португалия 2:3 (0:3, 2:0)
Голлар: 0:1 – 2 Думбия, 0:2 – 13 Желсон Мартинш, 0:3 – 43 Фернандеш, 1:3 – 89 Пардо, 2:3 – 90 Пардо.
Олимпиакос – Капино, Энгельс, Фигейраш, Эльабделлауи, Жийе, Оджиджа-Офоэ, Ромао, Фортунис (Здьелар, 46), Карсела-Гонсалес (Пардо, 78), Марин, Джурджевич (Эменике, 62).
Спортинг – Руй Патрисиу, Коатес, Сильва, Пиччини, Матье, Фернандеш (Ристовски, 87), Вильям Карвалью, Акунья, Батталья, Желсон Мартинш (Бруно Сезар, 72), Думбия (Дост, 63).
Огоҳлантиришлар: Ромао (23), Фигейраш (47), Батталья (77), Эльабделлауи (84), Фернандеш (87), Бруно Сезар (90).