«Реал» бош мураббийи Зайниддин Зидан Европа чемпионлар лигаси доирасида АПОЭЛга қарши бўлиб ўтган ўйин (3:0) борасида ўз фикрларини билдириб ўтди.

«Биринчи бўлимда унчалик яхши ўйнай олмадик, иккинчи таймда жуда яхши ҳаракат қилдик. Мусобақани ғалаба билан бошлаш ва ўз дарвозамиз дахлсизлигини сақлаб қолиш — бу муҳим.

Роналду – бизнинг энг муҳим футболчимиз. У доимо керакли жойда пайдо бўлади ва голлар уради. Умид қиламан, у шундай руҳда ўйнашда давом этади.

Биз мавсумни жуда яхши бошладик. Иккита совринни қўлга киритдик. Бошлаган ишни давом эттиришимиз керак.

Бэйл бир нечта позицияларда ўйнай олади, жумладан, чап қанотда ҳам. Бугун у ўзининг универсал эканини намойиш қилди. Биз ўйинни Роналду ва Бэйл ҳужум жуфтлиги билан бошладик, кейин эса Гарет ўз позициясини ўзгартирди.

Аста-секин биз аввалги Бэйлни кўра бошлаймиз. Ўтган мавсумда у 4 ой майдонга туша олмадик. Бэйл мавсумолди тайёргарликни яхши ўтади. Жароҳат олмади, кўп ўйинларда иштирок этди. Биз ҳали ҳақиқий Гаретни кўрамиз. У ўсишда давом этмоқда. Унинг бугунги ўйинидан қониқиш ҳосил қилдим», — деди Зидан.